అమెరికా అధ్యక్ష ఎన్నికల్లో మళ్లీ పోటీ చేసేందుకు సిద్ధమౌతున్న డోనాల్డ్ ట్రంప్ కు అనుకోని దెబ్బ తగిలింది. అశ్లీల చిత్రాల నటి స్టార్మీ డేనియల్స్‌కు సంబంధించిన కేసులో అమెరికా మాజీ అధ్యక్షుడు డొనాల్డ్ ట్రంప్‌కు కష్టాలు పెరిగాయి. ఇప్పుడు ఈ వ్యవహారంలో ఆయనపై కేసు నమోదు కానుంది. క్రిమినల్ విచారణను ఎదుర్కొంటున్న మొదటి అమెరికా మాజీ అధ్యక్షుడిగా ట్రంప్ నిలిచారు. ట్రంప్ అశ్లీల చిత్రాల నటికి రహస్య చెల్లింపులు చేసినట్లు న్యూయార్క్ గ్రాండ్ జ్యూరీ నిర్ధారించింది.
జ్యూరీ క్రిమినల్ విచారణకు అనుకూలంగా ఓటు వేసింది. 2016 లో స్టోమీ డేనియల్స్‌కు లక్షా ముప్పై వేల డాలర్లు చెల్లించినట్లు అభియోగాలు ఎదుర్కొంటున్నాడు. నెవాడాలో జరిగిన సెలబ్రిటీ గోల్ఫ్ టోర్నమెంట్ సందర్భంగా ట్రంప్ ఆమెను తన హోటల్ గదికి ఆహ్వానించారని కూడా స్టార్మీ ఆరోపిస్తున్నారు. స్టార్మీని టీవీ స్టార్‌గా చేస్తానని ట్రంప్ హామీ ఇచ్చారు. స్టోర్మీతో తనకు శారీరక సంబంధం లేదని ట్రంప్ కొట్టిపారేశారు.
జూలై 2007లో స్టార్మీ డేనియల్స్ ట్రంప్‌ను కలిసినప్పుడు, ఆమె వయస్సు 27 సంవత్సరాలు మరియు ట్రంప్ వయస్సు 60 సంవత్సరాలు. ఈ విషయాన్ని ఫెడరల్ ఎలక్షన్ కమిషన్ మరియు న్యూయార్క్ ఫెడరల్ ప్రాసిక్యూటర్ ఇద్దరూ పరిశీలించారు. అయితే ఇద్దరూ ట్రంప్‌పై ఎలాంటి చర్యలు తీసుకోలేదు. ఇప్పుడు మాన్‌హాటన్ కోర్టులో ప్రాసిక్యూషన్‌కు కోహెన్ ప్రధాన సాక్షిగా ఉంటారు.
అధ్యక్ష ఎన్నికల సమయంలో ఆర్థిక అవకతవకలకు పాల్పడినట్లు కోహెన్ ఇప్పటికే ఆగస్టు 2018లో తన నేరాన్ని అంగీకరించాడు. స్టార్మీ డేనియల్స్‌కు డబ్బు ఇవ్వడానికి తాను సహాయం చేశానని అతను అంగీకరించాడు. ఇది మాత్రమే కాదు, ట్రంప్ అధ్యక్ష ఎన్నికల ప్రచారానికి సహాయం చేయడానికి మాజీ ప్లేబాయ్ మోడల్‌కు చెల్లించినట్లు కూడా అతను అంగీకరించాడు. ట్రంప్ కోరిక మేరకే ఇదంతా చేశానని కోహెన్ చెప్పాడు.
దీనికి సంబంధించి ట్రంప్ ప్రకటన కూడా వచ్చింది. తాను రాజకీయ వేధింపులకు గురయ్యానని, చరిత్రలో అత్యున్నత స్థాయిలో ఎన్నికల జోక్యానికి ప్రయత్నించానని చెప్పారు. ప్రస్తుత అధ్యక్షుడు జో బిడెన్‌ను కూడా ట్రంప్ బెదిరించారు. మాన్‌హాటన్‌లో గ్రాండ్ జ్యూరీ తీర్పు తర్వాత డొనాల్డ్ ట్రంప్ స్పందించారు. రాజకీయ వేధింపుల చరిత్రలో ఇదే పెద్దదని ఆయన అన్నారు. ఈ కేసులో ట్రంప్‌ని అరెస్టు చేయవచ్చు. అయితే, ఎప్పుడు అరెస్టు చేస్తారు, అది ఎలా జరుగుతుంది, అభియోగపత్రంపై ఆయన ఎలా స్పందిస్తాడు అనే దానిపై ఇది ఆధారపడి ఉంటుంది. కాగా, ట్రంప్ స్వచ్ఛందంగా న్యూయార్క్‌లో హాజరవుతారని ఆయన తరఫు న్యాయవాదులు తెలిపారు.
