దాదాపు 10 నెలల నుంచి ఉక్రెయిన్ పై యుద్ధం చేస్తున్న రష్యా ఇప్పుడు పౌరులను లక్ష్యంగా చేసుకుని దాడులు ప్రారంభించింది. పౌర సదుపాయాలను విధ్వంసం చేసే కార్యక్రమాన్ని ప్రారంభించింది. యుద్ధనీతిలో పౌరులను లక్ష్యంగా చేసుకోవడం గానీ, పౌరసదుపాయాలను విధ్వంసం చేయడం కానీ నిషేధం. అలాంటిది రష్యా పౌరులను లక్ష్యంగా చేసుకుని దాడులు ప్రారంభించింది.
ఉక్రెయిన్ నగరాలపై రష్యా క్షిపణి దాడులు నిరంతరాయంగా కొనసాగుతున్నాయి. అటువంటి క్షిపణి దాడిలో ఆగ్నేయ నగరం డ్నిప్రోలోని ఒక అపార్ట్మెంట్ భవనంలో కొంత భాగాన్ని ధ్వంసం అయింది. ఈ దాడిలో 12 మంది మరణించారు. మరో 64 మంది గాయపడ్డారు. ఈ విషయాన్ని ఉక్రెయిన్ అధ్యక్షుడి కార్యాలయ డిప్యూటీ హెడ్ కిరిలో తిమోషెంకో వెల్లడించారు. ఉక్రెయిన్ ఇంధన మౌలిక సదుపాయాలను కూడా రష్యా లక్ష్యంగా చేసుకుంది. ఉక్రెయిన్ ఎనర్జీ మినిస్టర్ జర్మన్ గలుష్చెంకో మాట్లాడుతూ రష్యా కాల్పులు ఎన్నో ఉక్రెయిన్ ప్రాంతాలలో ఎమర్జెన్సీ బ్లాక్‌అవుట్‌లకు కారణమైందని తెలిపారు.
బ్రిటీష్ ప్రధాని రిషి సునక్ ఉక్రెయిన్‌కు ఛాలెంజర్ 2 ట్యాంక్, ఆర్టిలరీ వ్యవస్థను అందిస్తామని ప్రకటించారు. దాదాపు రెండు వారాల్లో మొదటిసారిగా పలు ఉక్రెయిన్ నగరాలను లక్ష్యంగా చేసుకుని మాస్కో క్షిపణి దాడుల మధ్య సునక్ కీలక ప్రకటన చేశారు. రష్యా సైన్యం తూర్పు ఉక్రెయిన్ నగరాలైన కైవ్ మరియు ఖార్కివ్‌లలోని మౌలిక సదుపాయాలపై క్షిపణి దాడిని ప్రారంభించింది.
రానున్న గంటల్లో భారీ క్షిపణి దాడులు జరిగే అవకాశం ఉందని ఆ ప్రాంత గవర్నర్ హెచ్చరించారు. కీలకమైన మౌలిక సదుపాయాలపై క్షిపణి దాడులు జరిగాయని ఉక్రెయిన్ అధ్యక్ష కార్యాలయ డిప్యూటీ హెడ్ కిరిల్ టిమోషెంకో తెలిపారు. కైవ్ నగరం ఎడమ ఒడ్డున ఉన్న డ్నీప్రోవ్స్కీ జిల్లాలో పేలుళ్ల శబ్దం వినిపించిందని కైవ్ మేయర్ విటాలి క్లిట్ష్కో తెలిపారు. ఇక్కడ ప్రజలు బంకర్లు మరియు రెస్క్యూ హోమ్‌లలో ఉండాలని కోరారు.
రష్యా సైన్యం నిరంతరం ఇంధన సౌకర్యాలపై దాడి చేస్తోంది. ఇది శీతాకాలంలో ప్రజలకు ఇబ్బంది కలిగిస్తుంది. రష్యా క్షిపణులను బహుశా ఉత్తరం నుంచి బాలిస్టిక్ క్షిపణితో ప్రయోగించి ఉంటారని వైమానిక దళ ప్రతినిధి యూరి ఇహ్నాత్ తెలిపారు. ఉక్రెయిన్ ఈ క్షిపణులను కూల్చివేయలేకపోయింది. దీంతో ఆ ప్రాంతంలో ఒక్కసారిగా మంటలు చెలరేగాయి. అయితే ఎలాంటి ప్రాణనష్టం జరగలేదు.
పేలుడు ధాటికి 18 ఇళ్ల కిటికీలు, పైకప్పులు ధ్వంసమయ్యాయని ప్రాంతీయ గవర్నర్ ఒలెక్సీ కులేబా తెలిపారు. ఈ దాడుల వల్ల ఈ ప్రాంతంలోని ఖార్కివ్, చుహువ్ జిల్లాల్లో కీలకమైన ఇంధన మౌలిక సదుపాయాలు, పారిశ్రామిక సౌకర్యాలు ధ్వంసమయ్యాయి. విద్యుత్ సరఫరా పరిస్థితిని పునరుద్ధరించేందుకు కృషి చేస్తున్నామని తెలిపారు.
