పాములపర్తి మన ఘనకీర్తి

నరసింహుడి పేరుగాంచి

ఉగ్రరూపం దాల్చని నవ్వులరేడాయన

జ్ఞానధనుడు సుజనుడు

విజ్ఞాన బాండాగారం

ఆయనడుగేసిన చోటెల్లొ

అపజయమెరుగని అజేయుడాయన

ఓర్పు నేర్పుల కలయిక

మునివంటి మౌనం ఆయన నైజం

నిజామునెదిరించిన ధీరత్వము

వందేమాతరాన్ని గుండెధైర్యం నింపుకొని ఆలపించి

పోరాటమేదైనా ముందుకు సాగడం పి.వి సొంతం

ఆయనడుగెట్టని రంగంలేదు

పండితపుత్రుడు

బహుభాషలను ఆలవోకగా

తన మదిలో నిలిపిన ప్రతిభశాలి

అన్నిబాషల్లో పాండిత్యం సాధించిన పిపాసకుడు

సరస్వతి కటాక్షంతో సారస్వతంలో తనదైన శైలిని ప్రదర్శించిన బహుముఖప్రజ్ఞాశాలి

ఎన్నోరచనలు చేసిన

మాతృభాషను ప్రేమించాడు

ఆయన ఎదిగిన క్రమమైతే

‘ఇందుగలదందులేడు’

అనే విధంగా పేరుపొందిన

ఆయన కీర్తి హిమాలయమంతైనిలిచింది

న్యాయవాదవృత్తిలో ఆయనకాయనే సాటి

రాజయకీయచదరంగంలో

అపరచాణుక్యుడాయన

ఎత్తులకు పైఎత్తులేసి

ప్రతిపక్షాలను పద్మవ్యూహంలోకి నెట్టేస్తారు

ఢిల్లీ పీఠాన్ని అధిరోహించిన

తెలుగు వాడు ఘనుడు

ఆయనకు చదువులో మేటి

మాటతీరులో హాస్యచతురత

రాజకీయరంగంలో ఓటమెరుగని నాయకత్వం

చివరివరకు ఆయనసొంతం

తెలుగువాడికీర్తిని విశ్వవ్యాప్తం చేసిన పీ.వి

వన్నెతరగదు మా ఎదలో

ఎప్పటికీ నీ  ఠీ.వి

సి. శేఖర్(సియస్సార్), పాలమూరు, 9010480557