సరిగమల గమకాలే నీగమనమై
స్వరాభిషేకాలు చేసిన స్వరమాంత్రికుడవై
నీపాటకు మంత్రముగ్ధులైన గాంధర్వులు
మా గాన గాంధర్వుడిని
గగనానికి ఆహ్వానించినారు
మమ్మల్ని శోకసంద్రంలో ముంచేసి
అమరేంద్రుడి ఇంట పాడుతాఠీయగా అంటూ
స్వర్గానికి ఏగినావా ఓబాలు
నీపాట అజరామరమై భువిని ఏలుతుంది
నీపేరు చిరస్మరణీయమై నిలిచి ఉంటుంది
మా గుండెల్లో నీపాట దీపమై వెలుగుతూ ఉంటుంది
సంగీత సుస్వరాల తోటలో
వనమాలి నీ గొంతు మూగబోయింది
స్వరాల పుష్పరాజం కరోనాతో పోరాడి అలసిసొలసి
వాడి రాలిపోయింది
కరోనా రక్కసి వదిలేసినా
కర్కశమైన విధి మన బాలుని
మనకు దూరం చేసింది
గగనానికి ఏగిన గాయకా
నీకిదే మాఅందరి అశ్రునివాళి
దేవలపల్లి సునంద
