ఇవాళ నా చుట్టూ
చిరునవ్వుల కలకలలు
నా చెలియనుంచి
పూలవర్షమై కురిసినట్లు…….
ఆ అందాల భరిణ చిలిపి చూపులు
తూపులై హృదిని గుచ్చుకున్నట్లు
తన కనురెప్పల సవ్వడికి
ఈ కవి హృదయం ఉప్పొంగి
కావ్యఖండికల అక్షర మాలలను
అల్లినట్లు….
ప్రేమామృత ధారలు కురిపించినట్లు…
నా రక్తంతో తన చలనం
నా ఊపిరితో తన శబ్దం
నా అక్షర మాలల్ని పెనవేసుకుని
మదిమనసు గదినిండా పరచుకొని
మౌనముద్రల్ని వేసుకుని
మౌనంగా నిరీక్షిస్తున్నట్లు….
నువ్వెప్పుడూ నా గమ్యానివే
నేనెప్పుడూ నీవాడినే
నా జీవితాంతం
నువ్వు నా అర్ధాంగివే
అన్న సంతోషంతో…..
కె. హరనాథ్, 9703542598
