సంబరాల సంక్రాంతి

సరదాసరదా సంక్రాంతి పల్లెలపాలిట నవకాంతి

సంబరాలనే తెచ్చిన వేళ అంబరాన్నంటిన ఆనందహేళ

హరిదాసుల హరినామం

చిరుతలతో చిరు విన్యాసం

పల్లెకు ముగ్గుల మణిహారం

గంగిరెద్దుల కోలాహలం

పచ్చనిపైరుల సోయగాలు

పసిడిపంటల ధాన్యరాశులు

భోగిమంటలతో నవభోగాలు

పాలపొంగులతో కలిగెను శుభాలు

బొమ్మల కొలువుల సంరంభం

పతంగి ఆటల సందోహం

పొలాలలో పొలిచల్లి

పంచభూతాలకు ప్రణమిల్లి

అన్నదాతలకు ఆశల హరివిల్లై

పుడమి తల్లికి కొత్తపులకింతై

వచ్చింది వచ్చింది సంక్రాంతి తెచ్చింది పల్లెకు నవకాంతి

అయిత అనిత, 8985348424, జగిత్యాల