మనోవిజ్ఞాన మంజునాదా
మార్తాండ తేజోమయ ప్రభావితుడా
పంచలోహ విగ్రహ రామానుజా
జయహో జయహో
నా గుండె గుడిలో నా భక్తి బడిలో
నా శక్తి వొడిలో నా యుక్తి మదిలో
నా సత్య సాహిత్య నిత్యార్చనములో
కొలువైయున్న అపర సాకేతుడదిగో
ఆనంద తత్వమే ఆద్యంత సత్యము
నిత్యసత్య స్వరూపమే సుగుణ బ్రహ్మత్వము
ఎలుగెత్తి చాటిన నిలువెత్తు ఘనుడా
కాంచీపుర నివాసా కాంతిమతి పుత్రుడదిగో
ఏది మార్గమేదిగమ్యము
ఏది సత్యమేదసత్యము
తత్వాలు, తర్కాలు వేదనాదాలు
ఎరుకపరిచిన వైష్ణవ శంఖారవపు
ఓంకార నాదు డదిగో
గిరిశిఖరమై హరితత్వమై
అవతరించిన అవతారనాదా
పరిపూర్ణ సహస్రాబ్ది దీర్ఘయాగ
మానవ నూతన జీవన మార్గదర్శుండదిగో
సుమసుగంధ పరిమళ
సుమాలతో అలంకృతుడవైన
నవ్యాంకుర దివ్యప్రబోధకుండదిగో
మనో విజ్ఞాన మంజునాదా
మార్తాండ తేజోప్రభావితుడా
జయహో జయహో
జయ జయ జయ జయహో రామానుజ
కె.హరనాథ్, 9703542598, హైదరాబాద్ పాతనగర కవుల వేదిక
