నేనూ లేను
నువ్వూ ఉండవు
చివరకు మిగిలేది జ్ఞాపకమే
నిన్నింకోసారి
తెలియనోళ్లకు
ఎరుకచేసి
కన్నీటిని నీకై
విదిలింప జేసేది
తడారని జ్ఞాపకమే
ఎదురుచూపులు
ఆర్తిని తాగిన ఆశలు
కట్టలు తెంపే ఆలోచనలు
బరిగీతల తెగింపులు
బలహీనతలపై అదలింపులు
ఎన్ని ఉన్నా… ఏది ఏమైనా
నీకు కానరాని
నువ్వు చూడలేని
నిశాంత ప్రశాంత నిఖిల ప్రపంచాన్ని
నీకై ఆవిష్కరించేది ఖచ్చితంగా
నువ్వు ఇందరి మధ్య వదిలివెళ్లిన జ్ఞాపకమే
అందుకే
బ్రతికిన రోజే
నువ్వు గుండెల్లో గొప్పజ్ఞాపకమై నిలవాలి
నీవంటూ లేనివాడు
ఆ జ్ఞాపకమే నీ స్ఫూర్తి దీపమై వెలగాలి
తిరునగరి శ్రీనివాస్, 8466053933