ముంబైలోని అంధేరీ ఈస్ట్ అసెంబ్లీ స్థానానికి జరిగిన ఉప ఎన్నికల్లో ప్రధమ స్థానం సంగతి పక్కన పెడితే ద్వితీయ స్థానంలో ఎవరు ఉన్నారో తెలుసా?…. మనం ఊహించడం కూడా కష్టమే. అక్కడ జరిగిన ఉపఎన్నికలో ద్వితీయ స్థానంలో ‘‘నోటా’’ నిలిచింది. ఇది నిజంగా నిజం. శివసేన (ఉద్ధవ్ బాలాసాహెబ్ థాకరే) వర్గానికి చెందిన రితుజా లట్టే ఈ ఎన్నికలో ఘన విజయం సాధించారు. ఆమెకు మొత్తం 66 వేల 530 ఓట్లు వచ్చాయి. ఆ తర్వాతి స్థానంలో నోటా ఉంది. నోటాకు 12 వేల 806 మంది ఓటు వేశారు.
దీని తర్వాత స్వతంత్ర అభ్యర్థి రాజేష్ త్రిపాఠి పేరు మూడో స్థానంలో ఉంది. ఆయనకు 1 వేల 571 ఓట్లు వచ్చాయి. రితుజా లట్టే శివసేన దివంగత ఎమ్మెల్యే రమేష్ లట్టే భార్య. మేలో లాటే ఆకస్మిక మృతితో ఆ సీటు ఖాళీ అయింది. MNS మరియు షిండే వర్గానికి చెందిన వారు తమ అభ్యర్ధులను ఉప సంహరించుకున్నారు. ఆ తర్వాత బీజేపీ కూడా తన అభ్యర్థి పేరును ఉపసంహరించుకున్నది.
ఎన్సీపీ అధినేత శరద్ పవార్ కూడా అంధేరి ఈస్ట్ స్థానానికి రితుజా లట్టే ఏకగ్రీవంగా ఎన్నుకుంటే మంచిదని కోరారు. ఈ ఉప ఎన్నికల్లో రితుజా లట్కే విజయం లాంఛనమే అయినప్పటికీ ఎన్నికల ముందు తలెత్తిన పరిస్థితుల దృష్ట్యా ఈ విజయంపై ఉద్ధవ్ వర్గం చాలా ఉత్కంఠగా ఉంది. విజయం తర్వాత, అంధేరీ ఈస్ట్ ప్రాంతంలో ఉద్ధవ్ వర్గానికి చెందిన ప్రజలు సంబరాలు చేసుకుంటున్నారు.
వాస్తవానికి నోటాకు వచ్చిన ఓట్లు బీజేపీకే దక్కుతాయని గెలిచిన అభ్యర్థి లట్టే అన్నారు. బీజేపీకి తనపై ఎలాంటి సానుభూతి లేదని, అది కేవలం బూటకమని అన్నారు. విజయం తర్వాత థాకరే వర్గానికి చెందిన నేత అనిల్ పరబ్ బీజేపీని టార్గెట్ చేశారు. ఉప ఎన్నికల ప్రచారంలో నోటాపై ఓటేస్తామని బహిరంగంగానే ప్రచారం చేశారని అన్నారు. ఇది మాత్రమే కాదు, నోటాను ఎంచుకోవడానికి బిజెపి నాయకులు ప్రజలకు డబ్బు ఇచ్చారని కూడా ఆయన అన్నారు. దీనిపై ఎన్నికల కమిషన్‌కు, పోలీసులకు కూడా ఫిర్యాదు చేశామని, ఆడియో-వీడియో ఆధారాలు కూడా ఇచ్చామని చెప్పారు.
