ప్రకాశం జిల్లాలో వివిధ పోలీస్ స్టేషన్లలో ఉన్న ఖాళీల ఆధారంగా ముగ్గురు కానిస్టేబుల్స్ కు హెడ్ కానిస్టేబుల్ (HC)గా పదోన్నతి కల్పిస్తూ ఎస్పీ, జిల్లా పోలీస్ కార్యాలయంలో వారికి ప్రమోషన్ పత్రాలను అందజేశారు. పదోన్నతులు పొందిన సిబ్బందికి ఎస్పీ అభినందనలు తెలియజేస్తూ శుభాకాంక్షలు తెలిపారు.
ఈ సందర్భంగా జిల్లా ఎస్పీ వారితో మాట్లాడుతూ పోలీస్ శాఖలో పదోన్నతి చాలా గర్వకారణమని, పదోన్నతి లభించడం విధి నిర్వహణలో బాధ్యతను మరింత పెంచుతుందని, పోలీస్ శాఖ గౌరవం, ప్రతిష్ట పెరిగే విధంగా బాధ్యతలు
నిర్వహిస్తూ ఉన్నతాధికారుల నుండి మన్ననలు అందుకోవాలని అన్నారు. ప్రజలు పోలీసులపై వుంచిన నమ్మకానికి తగ్గట్లుగా పనిచేయడంతో పాటు, భాధ్యతయుతంగా విధులు నిర్వహించాలని సూచించారు. విధి నిర్వహణలో శాఖాపరమైన సహకారం అందించడానికి తాము ఎల్లవేళలా సిద్ధంగా ఉన్నామని తెలిపారు.
