గత నెల నవంబర్ 28న న్యూజిలాండ్ లోని ఆక్లాండ్ నందు జరిగిన కామన్వెల్త్ పవర్ లిఫ్టింగ్ ఛాంపియన్షిప్ పోటీలలో గుంటూరు నగరానికి చెందిన నాగం జ్ఞానదివ్య పాల్గొని 84+ కేజీ ల కేటగిరిలో గోల్డ్ మెడల్ సాధించింది. నేడు నాగం జ్ఞానదివ్య గుంటూరు నగర పాలక సంస్థ మేయర్ కావటి శివ నాగ మనోహర్ నాయుడు ను సంపత్ నగర్ లోని వారి క్యాంప్ కార్యాలయంలో మర్యాదపూర్వకంగా కలిశారు.
గోల్డ్ మెడల్ సాధించినందుకు విద్యార్థినిని అభినందించి, భవిష్యత్తులో ఇంకా ఎన్నో పోటీలలో పాల్గొని గోల్డ్ మెడల్స్ సాధించి గుంటూరు నగరానికి పేరుప్రఖ్యాతులు సాధించాలని ఆకాంక్షించారు. ఈ కార్యక్రమంలో YSRCP రాష్ట్ర సంయుక్త కార్యదర్శి గులాం రసూల్, విద్యార్థిని తండ్రి నాగం వెంకటేశ్వరరావు, కోచ్ నాగ శిరీష,సీనియర్ కోచ్ మహమ్మద్ కమృద్దీన్,YSRCP నేత తోట ఆంజనేయులు, బాలరాజు పాల్గొన్నారు.