దీపావళి పర్వదినం సందర్భంగా ప్రముఖులకు స్వీట్లు పంచుతూ శుభాకాంక్షలు తెలిపారు వనపర్తి జిల్లా పానగల్ మండల యూత్ కాంగ్రెస్ నాయకులు.
పానగల్ మండల కేంద్రంలో ఉన్న పోలీస్ స్టేషన్, తహశీల్దార్ కార్యాలయం, యంపిడివో కార్యాలయం, ప్రభుత్వ ఆసుపత్రి లలో కొల్లాపూర్ నియోజకవర్గ యువజన కాంగ్రెస్ ఉపాధ్యక్షుడు యండి వహీద్, పానగల్ మండల యువజన కార్యకర్తలు ఉత్సాహంగా తిరుగుతూ స్వీట్లు పంచి పెట్టారు. అక్కడి అధికారులకు, సిబ్బందికి స్వీట్లు పంచి పెట్టి దీపావళి పండగ శుభాకాంక్షలు తెలియచేశారు.
అదే విధంగా యూత్ కాంగ్రెస్ తెలంగాణ రాష్ట్ర అధ్యక్షులు శివసేన వనపర్తి జిల్లా లో ఉన్న అన్ని మండలాలకు సంబంధించిన కార్యాలయాలకు స్వీట్లు పంపిణీ చేశారు. ఈ కార్యక్రమంలో వార్డ్ మెంబర్ లాలయ్య, యూత్ నాయకులు నగేష్, వరుణ్, రాఘవేంద్ర తదితరులు పాల్గొన్నారు.