బీహార్‌లోని నవాడా నగరంలో అప్పుల బాధతో ఓ కుటుంబం చితికిపోయింది. సామూహిక ఆత్మహత్య చేసుకోవాలనే ఉద్దేశంతో కుటుంబంలోని ఆరుగురు విషం సేవించారు. వీరిలో ఐదుగురు చనిపోయారు. వడ్డీ వ్యాపారులు కుటుంబంపై ఒత్తిడి తెస్తున్నారని వారు వాపోయారు. కేదార్‌నాథ్ గుప్తా కుటుంబం నవాడాలోని న్యూ ఏరియాలోని ఆదర్శ్ సొసైటీలో అద్దె ఇంట్లో నివసించేది. గుప్తాతో పాటు అతని కుటుంబంలోని ఆరుగురు సభ్యులు విషం సేవించారు. వీరిలో గుప్తాతో సహా ఐదుగురు మృతి చెందగా, ఒకరు ప్రమాదకర పరిస్థితిలో ఉన్నారు. నవాడా పోలీసులు తెలిపిన వివరాల ప్రకారం, కేదార్‌నాథ్ గుప్తా వాస్తవానికి రాజౌలీ నివాసి. కొంతకాలంగా నవాడలో కుటుంబంతో కలిసి వ్యాపారం చేయడం
ప్రారంభించాడు. వ్యాపారం కోసం కొందరి వద్ద అప్పు తీసుకున్నాడు. అప్పులు, వడ్డీలు పెరిగిపోతుండడంతో తిరిగి చెల్లించలేకపోయారు. గుప్తా చాలా మంది వడ్డీ వ్యాపారుల నుండి అప్పులు తీసుకున్నారని, వారు డబ్బు తిరిగి ల్లించమని ఒత్తిడి చేస్తూ వారిని వేధిస్తున్నారని అంటున్నారు. గుప్తాను మాత్రమే కాదు మొత్తం కుటుంబాన్ని వేధించారనే ఆరోపణలు ఉన్నాయి. బహుశా ఈ కారణంగానే కుటుంబం మొత్తం సామూహిక ఆత్మహత్యకు పాల్పడినట్లు పోలీసులు బుతున్నారు. మృతులను కేదార్‌నాథ్ గుప్తా, అతని భార్య అనిత, ముగ్గురు పిల్లలుగా గుర్తించారు. ఆదర్శ్ సొసైటీలోనే ఇద్దరు రణించగా, ముగ్గురు ఆసుపత్రిలో మరణించారు. నవాడా పోలీసులు కేసు దర్యాప్తు చేస్తున్నారు.
