శ్రీలంక అధ్యక్షుడు గోటబయ రాజపక్సే ఇంతకాలం నివశించిన భవనంలో భారీ ఎత్తున కరెన్సీ దొరికినట్లు స్థానిక న్యూస్ ఛానెళ్లు వెల్లడించాయి. తన స్వార్ధం కోసం, తన బంధువుల స్వార్ధం కోసం అనేక నిర్ణయాలు తీసుకున్న గోటబయ రాజపక్సే అంతులేని అవినీతికి పాల్పడ్డాడనే ఆరోపణలు ఉన్నాయి.
ఈ ఆరోపణలు రుజువు చేస్తున్నట్లుగా ఆయన నివశించిన భవనం నుంచి భారీ ఎత్తున కరెన్సీ బయటపడ్డది. జులై 9న శ్రీలంక అధ్యక్షుడు గోటబయ రాజపక్సే తన నివాసాన్ని విడిచిపెట్టి పారిపోయాడు. అదే సమయంలో, సాయంత్రం నాటికి, శ్రీలంక ప్రధాన మంత్రి రణిల్ విక్రమసింఘే కూడా షరతులతో రాజీనామా సమర్పించారు.
దాంతో దేశంలో ఒక్క సారిగా అలజడి చెలరేగింది. శ్రీలంక తీవ్రమైన ఆర్థిక సంక్షోభాన్ని ఎదుర్కొంటోంది. గత నాలుగు నెలలుగా వరుసగా దేశ ప్రజలు వీధుల్లోకి వచ్చి నిరసనలు తెలుపుతున్నారు. అధ్యక్షుడు గోటబయ రాజపక్సే రాజీనామా చేయాలని డిమాండ్ చేస్తూ ఆయన కార్యాలయం ఎదుట ఏప్రిల్ 9న మొదట నిరసనలు ప్రారంభమయ్యాయి.
దీని తర్వాత మే 9న అప్పటి శ్రీలంక ప్రధాని మహింద రాజపక్సే తన పదవికి రాజీనామా చేశారు. దీని తరువాత, జూన్ 9 న, ఆర్థిక మంత్రి బసిల్ రాజపక్సే రాజీనామా చేశారు. ఇప్పుడు గోటబయ రాజపక్సతో పాటు, కొత్త ప్రధాని రణిల్ విక్రమసింఘే కూడా తన పదవికి రాజీనామా చేస్తున్నట్లు ప్రకటించారు.
శ్రీలంకలో తీవ్రమవుతున్న ఆర్థిక సంక్షోభం తర్వాత మొదటి పెద్ద రాజకీయ మార్పు మే 9న జరిగింది. ఈ రోజున అప్పటి ప్రధాని మహింద రాజపక్స తన పదవికి రాజీనామా చేశారు. నెల గడిచేసరికి ఆర్థిక మంత్రి బాసిల్ రాజపక్సే కూడా తన పదవిని కోల్పోవాల్సి వచ్చింది. దీని తరువాత, జూలై 9న అంటే శనివారం, అన్ని హద్దులు బద్దలయ్యాయి.
మరోవైపు విక్రమసింఘే కేబినెట్‌లోని ఇద్దరు మంత్రులు రాజీనామా చేశారు. హరీన్ ఫెర్నాండో, మనుష్ నానయక్కరా తమ పదవులకు రాజీనామా చేశారు.శ్రీలంక అధ్యక్షుడు గోటబయ రాజపక్సే జూలై 13న తన రాజీనామాను సమర్పించాలనుకున్నారు.
శనివారం సాయంత్రం జరిగిన అఖిలపక్ష నేతల సమావేశం అనంతరం అభయవర్ధనే గోటబయ రాజపక్సే రాజీనామాను కోరుతూ లేఖ రాయడంతో అధ్యక్షుడు రాజపక్సే తన నిర్ణయాన్ని పార్లమెంట్ స్పీకర్‌కు తెలియజేశారు. అయితే ఈ లోపునే ఆయన దేశం విడిచి పారిపోయారు.
పార్లమెంటు వారసుడిని నియమించే వరకు అభయవర్ధనే తాత్కాలిక అధ్యక్షుడిగా ఉండటానికి మార్గం సుగమం చేయడానికి రాజపక్సే, ప్రధాన మంత్రి రాణిల్ విక్రమసింఘే తక్షణమే రాజీనామా చేయాలని అఖిల పక్ష పార్టీ నాయకులు పిలుపునిచ్చారు.
విక్రమసింఘే ఇప్పటికే రాజీనామా చేయాలనే కోరికను వ్యక్తం చేశారు. అభయవర్ధనే లేఖకు రాజపక్సే సమాధానమిస్తూ, జూలై 13న తాను పదవీవిరమణ చేస్తానని చెప్పారు. అయితే అతను పరారు కావడంతో నిరసనకారులు రాష్ట్రపతి మరియు ప్రధాని ఇంట్లోకి ప్రవేశించారు.
ఇలా జరగడం శ్రీలంకలో ఇదే ప్రధమం. నిరసనకారులు రాష్ట్రపతి సచివాలయ తాళం పగులగొట్టి బీభత్సం సృష్టించారు. ఇది కాకుండా, గాలే, కాండీ మరియు మాతరలో నిరసనకారులు రైల్వే అధికారులతో ఘర్షణ పడ్డారు. ఆ ప్రాంతమంతా పెద్ద సంఖ్యలో పోలీసులు, స్పెషల్ టాస్క్ ఫోర్స్, సైన్యాన్ని మోహరించారు.
22 మిలియన్ల జనాభా ఉన్న దేశం ఏడు దశాబ్దాలలో అత్యంత దారుణమైన దశలో ఉంది. శ్రీలంకకు విదేశీ మారకద్రవ్యం కొరత ఉంది. ఇంధనం మరియు ఇతర నిత్యావసర వస్తువుల అవసరమైన దిగుమతుల కోసం దేశం చెల్లించలేకపోతోంది.
