చీకట్లను కవ్వించే వెలుగు పువ్వులు
ఆకాశం నుండి రాలిన తారల నవ్వులు
ఇంటింటా పంచుతున్న ఆనందాల పరిమళాలు!
బతుకు పోరాటంలో
సాధించిన విజయాలకు ప్రతీకలై
గుండెల్లో విరబూసిన
సునందన వనాలు!
చెలియలి కట్ట దాటిన సహనం
చెడుపై చేసిన యుద్ధం
వేదనలను అధిగమించి
జీవిత రహదారిలో
ఎదురైన కర్కశ కంటకాలను ఏరేస్తూ..,.
పరుచుకున్న పచ్చదనపు మొక్కలకు పూచిన వెలుగు పూలు
చూపించే దారి దీప కాంతులు!
విశ్వమానవ కళ్యాణానికి
ఆలపించిన సమైక్యతా రాగంతో
ఇస్తున్న చైతన్య సందేశాలు
ఇదే కదా దీపావళి పండుగ ఆశ్వయుజ మాస
అమావాస్య లో పూయించిన వెన్నెల పూల వేడుక
వురిమళ్ల సునంద, ఖమ్మం
