రాష్ట్ర రేషన్ డీలర్ల సంక్షేమ సంఘంకు చెందిన 2022 నూతన సంవత్సరానికి సంబందించిన క్యాలెండర్ ను ఆవిష్కరించారు మంత్రి గంగుల కమలాకర్. ఈ సందర్భంగా రాష్ట్ర ప్రజలకు, రేషన్ డీలర్లకు మంత్రి నూతన సంవత్సర శుభాకాంక్షలు తెలియజేసారు. అన్నార్తుల ఆకలి తీర్చడంలో సీఎం కేసీఆర్ మార్గదర్శనంలో రేషన్ డీలర్లు కీలకపాత్ర పోషిస్తున్నారన్నారు. క్యాలెండర్ ను తీసుకొచ్చిన రేషన్ డీలర్లను మంత్రి అభినందించారు. ఈ కార్యక్రమంలో రేషన్ డీలర్ల సంక్షేమ సంఘం గౌరవ సలహాదారు ఎం. దేవేందర్ రెడ్డి, ప్రెసిడెంట్ నాయికోటి రాజు, ప్రధాన కార్యదర్శి ఆవుల సంజీవరెడ్డి తదితరులు పాల్గొన్నారు.