మధ్యప్రదేశ్ లో ఒక ఎమ్మెల్యేపై అత్యాచారం కేసు నమోదు చేశారు. ధార్ జిల్లాలో ఎమ్మెల్యే, మాజీ మంత్రి ఉమంగ్ సింగర్‌పై అత్యాచారం కేసు నమోదు కావడం ఇక్కడ రాజకీయంగా సంచలనం కలిగించింది. జిల్లాలోని నౌగావ్ పోలీస్ స్టేషన్‌లో 38 ఏళ్ల మహిళ ఫిర్యాదు మేరకు అతనిపై పోలీసులు కేసు నమోదు చేశారు. ఆ మహిళ తనను తాను ఉమంగ్ సింగర్ భార్యగా అభివర్ణించుకుంది. ధార్ జిల్లాలోని పిడబ్ల్యుడి కార్యాలయం వెనుక ఉన్న ఎమ్మెల్యే నివాసంలో ఉమంగ్ సింఘర్ నవంబర్ 2021 మరియు నవంబర్ 18, 2022 మధ్య తనపై అనేకసార్లు అత్యాచారం చేశాడని మహిళ ఆరోపించింది. అలాగే దాడి చేసి దురుసుగా ప్రవర్తించాడని పోలీసులకు చెప్పింది. అదే విధంగా అసహజ లైంగిక చర్యకు పాల్పడ్డాడని కూడా ఆరోపణలు చేసింది. ఈ ఆరోపణలన్నింటి ఆధారంగా ధార్ పోలీసులు ఉమంగ్ సింగర్‌పై ఐపీసీ సెక్షన్ 376, 377, 498 కింద కేసు నమోదు చేశారు. మహిళ జబల్‌పూర్‌కు చెందిన వ్యక్తి. ఆమె ఉమంగ్ సింఘర్‌ను ఒక బహిరంగ కార్యక్రమంలో కలిసిందట. ఆ తర్వాత ఇద్దరూ ఫోన్‌లో మాట్లాడుకోవడం మొదలుపెట్టారు.
సింఘర్ ఆమెను పెళ్లి చేసుకుంటానని హామీ ఇచ్చాడు. దాంతో ఆ మహిళ ఉమంగ్ సింగర్‌తో కలిసి ఢిల్లీ, గురుగ్రామ్, ధార్ మరియు భోపాల్‌లోని అతని నివాసంలోనే ఉంది. ఈ సమయంలో, సింఘర్ ఆమెతో శారీరక సంబంధం పెట్టుకున్నాడు. ఆ తర్వాత ఆమెను వివాహం చేసుకోవడానికి నిరాకరించాడు. దీనిపై ఫిర్యాదు చేస్తానని మహిళ బెదిరించడంతో, సింఘర్ 2022 మార్చి 16న భోపాల్‌లోని తన నివాసంలో ఆమెను వివాహం చేసుకున్నాడు. ఆ తర్వాత ఆమెని హింసించడం మొదలుపెట్టాడు. సింఘర్ అసభ్యకర వీడియోలు తీశాడని, స్నేహితులకు చూపిస్తానని చెప్పి బ్లాక్‌మెయిల్‌ చేశాడని మహిళ ఆరోపించింది. తనను చంపేందుకు సింఘార్‌ ప్రయత్నిస్తున్నాడని ఆ మహిళ ఆరోపించింది. మధ్యప్రదేశ్ ప్రభుత్వంలో మాజీ మంత్రి, ఎమ్మెల్యే, కాంగ్రెస్ జాతీయ కార్యదర్శి, గుజరాత్ ఎన్నికల కో-ఇంఛార్జి అయిన ఉమంగ్ సింగర్‌పై కేసు నమోదు కావడం రాజకీయాల్లో చర్చనీయాంశం అయింది. 38 ఏళ్ల వివాహిత నవోగావ్ పోలీస్ స్టేషన్‌లో రేప్ రిపోర్టు దాఖలు చేసిందని, అందువల్లే కేసు నమోదు చేశామని మధ్యప్రదేశ్ హోం మంత్రి నరోత్తమ్ మిశ్రా తెలిపారు.
