చరిత్ర పునాదులు తవ్వితే
కుటిలత్వపు కుట్రలలో
కూల్చిన దేవాలయాలేన్నో
అధర్మం రాజ్యమేలిన దండయాత్రలలో ఆలయ సంపదను దోచుకెళ్లిన దోపిడీ వాదులెందరో
కుంచిత స్వభావం పెచ్చు మీరీ మతం పేరిట మారణ హోమాలకు
తెరలేపిన మతోన్మాదులెందరో
అయినా
దురాక్రమాలకు తలవొగ్గని శౌర్యం
అన్నింటిని తట్టుకునే నిలిచిన
జీవన విధానం
భక్తి ఆధ్యాత్మికత వైభవం
ప్రబోధాల నిలయం
నేలను పూజించే గొప్ప సంస్కృతి మొక్కను ఆరాధించే ధర్మం
సమస్త జీవకోటినీ కాపాడే
ధరణి
పుట్టుకే హిందుత్వం
సర్వే జన సుఖినోభవంతు అని
వేద ఆశీర్వాదం చేసినా
జీవకోటి ఆకలి తీర్చే అన్నపూర్ణగా
స్వచ్ఛమైన మానవీయతకు కొలవై
విభిన్న సంస్కృతి సంప్రదాయాలకు నెలవై
భిన్నత్వంలో ఏకత్వంలా మెలిగే వెలుగై
పంచభూతాల సాక్షిగా సమాహారమై
వేద వేదాంగాల ప్రణవమై
జీవనదుల సంగమమ అపూర్వ సమ్మేళనమై అక్షయమై
నైతిక విలువల దర్పణమై
ఉపనిషత్తుల ఉషస్సుగా
ఎక్కడున్నా పవిత్రమై తోచే
సంస్కృతిని స్వాగతించి
సాంప్రదాయాన్ని గౌరవించి
భావితరాలకు వారసత్వ బహుమతి అందిద్దాం
నెల్లుట్ల సునీత, ఖమ్మం, 7989460657