పొంగి పారినది ఊరంత
ముంగిట పేర్చినది కల్మషమంత
చేసుకున్న వారికి చేసుకున్నంత
చదును చేసేస్తే వాటి ఆవాసాలు
చేరకేం చేస్తాయి మన నివాసాలు
చెట్టు చెరువు మాయం
ఎటు చూసిన ఇంటి మీదిల్లు మయం
భూమి కంపమై బెదిరించిందో
ఆకాశం ఉరుమై ఉరిమిందో
పంచభూతాలను మృగ్యం చేసే మానవ ప్రయత్నం
తిప్పి కొడితే సాగదు ఏ యత్నం
రోడ్డు కనిపించని నదీ ప్రవాహం
తెగించి వస్తే వాహనం మనిషి ఆవాహం
మనకే మనమే పెట్టుకుంటున్న భస్మాసుర హస్తం
ప్రకృతి ప్రకోపిస్తే పనికిరావు ఏ జాగ్రత్తలు ఏం చేస్తం
మిన్ను మన్ను అయినట్లు ఏకం
వాన చినుకు సందేశం
అరుణ చామర్తి ముటుకూరి, హనుమకొండ