ఆమని రాకతో ఆనందం వెల్లివిరిసి
పచ్చకోక కట్టి ప్రకృతి ముస్తబయిన వేళన
చెట్లుపచ్చని చివుళ్లతో అలరింపజేయగా
వేపపూత ధవళవర్ణ సొభగులద్దగా
గుత్తులతో మావిపిందెలు కనువిందు చేయగా
కోకిలవాసపు గుబురులో కోయిల కుజీతాలు తీయగా
తెలుగు లోగిల్లు ఆనంద హరవిల్లులయ్యెను
గుమ్మాలకు పచ్చని మామిడి తోరణలలంకరించి
ఇంటిముందు రంగు రంగుల రంగవల్లికలద్ది
యుగానికే ఆది యుగాది కన్యకను ఆహ్వానించగా….
గతకాలపు విషాదాలను గతింపజేసీ
అమావాస్యన ప్లవకు వీడ్కోలు పలికి
చైత్రశుద్ధ పాడ్యమిన శోభయమానంగా శుభా లనొసాగాలని విచ్చేస్తున్నది శుభకృత్ నామ నూతన వత్సరం
వగరు,పులుపు,చేదు,తీపి ఉప్పు,కారం. షడ్ రుచుల మేళవింపు ఉగాది పచ్చడి
కష్టసుఖాలు ప్రేమానురాగాలు ఈర్ష్య ద్వేషాలు సమంగా స్వీకరించాలనే జీవిత సారాన్ని తెలియజేస్తుంది
భక్తి భావంతో దేవాలయ దర్శనాలు
సాయంకాలం ఆదాయ కందాయ ఫలాల వివరించు పంచాంగ శ్రవణం ఆలకిస్తు…
సంబరాలు సంతోషాలతో జరుపుకునే ఉగాది
మానవాళికి ఆయురారోగ్యాలనిస్తూ సర్వత్ శుభాలు కలుగజేయాలని శుభకృత్ ను స్వాగతిస్తున్నాము…
బాస మంజుల, మెట్ పెల్లి, జగిత్యాల జిల్లా, చరవాణి :8688620478