ఖాళీగా ఉన్న ప్రభుత్వ ఉద్యోగాలను తక్షణమే భర్తీ చేయాలని డిమాండ్ చేస్తూ ముఖ్యమంత్రి కేసీఆర్ కాన్వాయ్ ని అడ్డుకోవడానికి ప్రయత్నించిన నిరుద్యోగ యువకులను పోలీసులు బలవంతంగా అరెస్టు చేశారు.
వరంగల్ అర్బన్ జిల్లా నూతన కలెక్టర్ కార్యాలయం ప్రారంభోత్సవానికి సీఎం కేసీఆర్ వచ్చారు. ఈ సందర్భంగా కొందరు నిరుద్యోగులు సీఎం కాన్వాయ్ ని అడ్డుకునే ప్రయత్నం చేశారు.
నిరుద్యోగ యువకులకు ఉద్యోగాలు నోటిఫికేషన్ వెంటనే విడుదల చేయాలని వారు నినాదాలు చేశారు. గోబ్యాక్ సీఎం, ఖబడ్దార్ సిఎం అంటూ వారు నినాదాలు చేశారు.
సీఎం కాన్వాయ్ అడ్డుకునే ప్రయత్నం చేయగా వారిని పోలీసులు అదుపులో అదుపులోకి తీసుకున్నారు.
ఈ సందర్భంగా ప్రతిఘటించిన యువకులను బలవంతంగా పోలీసులు కార్ లో ఎక్కించి మరీ తీసుకెళ్లారు. (వీడియో చూడండి)