ఉత్తరప్రదేశ్ లో మనీషాకు జరిగిన అన్యాయంపై,దోషులను కఠినంగా శిక్షించాలని కోరుతూ స్వేరో సర్కిల్ రాష్ట్ర కమిటీ, యాదాద్రి జోనల్ కమిటీ ఆదేశానుసారం సూర్యాపేట జిల్లా హుజూర్ నగర్ నియోజకవర్గం మేళ్ళచెరువు మండల కేంద్రంలో ఆదివారం రాత్రి 7 గంటలకు అంబేద్కర్ విగ్రహం నుండి మెయిన్ రోడ్డు చెక్ పోస్ట్ సెంటర్ వరకు కొవ్వొత్తులతో ర్యాలీ నిర్వహించారు.
ఈ కార్యక్రమంలో మండల,గ్రామ పరిధిలో ఉన్న పెద్దలు, స్వేరో సర్కిల్ సూర్యాపేట జిల్లా అధ్యక్షుడు మందా రవి, స్వేరో యాదాద్రి జోన్ సర్కిల్ అధ్యక్షుడు విజయ్, మండల అధ్యక్షుడు, చిన్నపంగు సహదేవ, బుచ్చయ్య , అన్నేపంగు వెంకటి, మంద నాగరాజు , రాంబాబు, బలస్వామి, ఇష్టురియా, కోటమ్మ, మహిళలు, యువకులు ,బహుజన నాయకులు, యువవజన సంఘాల నాయకులు, యువతీ యువకులు, పాల్గొన్నారు.
