కోవిడ్–19 కొత్త వేరియంట్ ఏ.వై.4.2 వ్యాప్తిపై అంతగా ఆందోళన చెందాల్సిన అవసరం లేదని ఇండియన్ సార్స్–కోవ్–2 జెనోమిక్స్ కన్సార్టియం(ఇన్సాకాగ్) స్పష్టం చేసింది. దేశంలో నమోదవుతున్న మొత్తం కేసుల్లో ఏవై.4.2 వేరియంట్కు సంబంధించిన కేసులు 0.1% మాత్రమేనని తెలిపింది.
ఏవై.4.2. వేరియంట్ వ్యాప్తి పెరుగుతుందనేందుకు ప్రస్తుతానికి ఎలాంటి ఆధారాలు లేవు. దీనిపై పరిశీలన కొనసాగుతోందని ఇన్సాకాగ్ తెలిపింది. ప్రస్తుతానికి దేశంలో డెల్టా వేరియంట్ మాత్రమే ఆందోళనకర స్థాయిలో ఉందని తెలిపింది.