నిర్మల్ జిల్లా లోని వివిధ క్వారంటైన్ కేంద్రాలలో ఉన్న ఢిల్లీ మార్కజ్ కు వెళ్లి వచ్చిన వారిలో గడువు పూర్తయినందున, నెగిటివ్ రిపోర్టులు వచ్చినందు 11 మందిని ఇళ్లకు పంపించామని జిల్లా కలెక్టర్ ముషారఫ్ ఫారూఖీ అన్నారు.
బుధవారం సాయంత్రం సోఫీనగర్ సంక్షేమ శాఖ బాలికల గురుకుల పాఠశాల,( కళాశాల) కొరంటైన్ లో ఉన్న ఢిల్లీ మార్కెజ్ కు వెళ్లివచ్చిన వారిలో11 మంది కి కరోనా వైరస్ నెగెటివ్ రిపోర్టు వచ్చిందని, కోరం టైన్ గడువు కూడా పూర్తి అయినందున వారికి కరోనా వైరస్ సోకి లేదనే ధ్రువ పత్రం ఇచ్చి వారి వారి నుండి వారు తమ తమ ఇళ్లలోనే హోమ్ కోరంటైన్ ఉంటామనే హామీ పత్రం తీసుకొని పంపించారు.
వారి చేతుల పై కోరంటైన్ స్టాంప్ వేసి బుధవారం సాయంత్రం వారిని వారి వారి ఇండ్లకు పంపించారు. కలెక్టర్ కస్తూర్బా గాంధీ బాలికల గురుకుల పాఠశాల సందర్శించి అక్కడ ఉన్న వారిని ఉద్దేశించి మాట్లాడారు. గడువు పూర్తయిన, నెగెటివ్ రిపోర్టులు వచ్చిన వారందరినీ రెండు, మూడు రోజులలో ఇళ్లకు పంపుతామన్నారు.
అనంతరం చించోలి బి మహిళా ప్రాంగణం కేంద్రం సందర్శించి అక్కడ చేపట్టిన రక్త నమూనాల(శాంపుల్ ) సేకరణ కార్యక్రమమును పరిశీలించారు. జిల్లా ఎస్పీ శశిధర్ రాజు మాట్లాడుతూ కోరంటైన్ లో ఉన్న వారు సామాజిక దూరం పాటించాలని సూచించారు.
నెగెటివ్ రిపోర్టులు వచ్చిన వారందరినీ త్వరలో వారి వారి ఇండ్లకు పంపనున్నట్లు తెలిపారు. ఈ సందర్భంగా జిల్లా అదనపు కలెక్టర్ ఏ. భాస్కర్ రావు, మున్సిపల్ కమిషనర్ బాలకృష్ణ, జిల్లా కరొనా నియంత్రణ జిల్లా నోడల్ అధికారి డాక్టర్ కార్తీక్, సీఐ జాన్ దివాకర్ తదితరులు పాల్గొన్నారు.
