నాన్న అన్న నా పిలుపుకై
నీవెంత ఎదురుచూస్తుంటావో
నాన్న అన్న ప్రతిసారి నీ మోమున
ఎగజిమ్మే ప్రేమ తుంపరలు
నన్ను చల్లగా తాకుతుంటాయి
నేను వేసే ప్రతి తప్పటడుగులో
ఎన్నో మౌలిక విలువలు నేర్పిన ఆదర్శానివి
బంతితో ఆటలు నేర్పుతూ
భద్రత ఏంటో నేర్పిన స్నేహానివి
నా కేరింతల్లో నీ ఆనందం ఏకమై
నా చదువులో నీ ఆరాటం తోడై
నిన్న నీవు నీ గురించిన ఆరోగ్యం
పక్కన పెట్టి నాకై కాలాన్ని వెచ్చించావు
నా ధైర్యం నీవై కొండలా నిలిచావు
నాభద్రత నీవై ఆకాశమయ్యావు
నా భరోసా నీవై విశ్వాసాన్ని నింపావు
నాన్న నీ కోసం నీవుగాక
నా కోసమే నీ జీవితమన్నట్లుగా
సాగిపోయావు నా జీవిత పునాదికై
నీ త్యాగాల ఫలితమే నా ఈ భవిష్యత్తు
నా అవసరాలే నీ అవసరాలుగా
శ్రమపడిన ప్రతి నీ రక్తపు బొట్టు
నాకై వెచ్చించిన నీ జీవితంలో
నీ మలిదశలో నేను సైతం
నేను నీకు తండ్రినై
నీకూ భరోసానౌతా
నీకూ భద్రతనౌతా
నీకూ ధైర్యాన్నౌవుతా నీ ప్రేమలో జన్మ జన్మలకు
యం.అనసూయ, సైదాబాద్, హైదరాబాద్
