నీతి బోధలు చేయలేదు
పాఠాలు చెప్పలేదు
గద్దింపుల్లేవ్.. బెదిరింపుల్లేవ్
దండించే మాటే లేదు
చేసిందల్లా..
భుజాలపై మోసి ముద్దుచేయడం
తానే గుర్రమై ఆడించడం
ఆఫీసునుంచి వస్తూ
తాయిలాలు, ఆటబొమ్మలు తేవడం
అప్పుడప్పుడు షికార్లు, సినిమాలు
ఆపైన..పలకాబలపం అందించి
బడిబాట పట్టించి
నా బంగరు భవితకు
బాసటగా నిలిచిన నాన్న
సంస్కారానికి ప్రతిరూపమై
మానవత్వానికి మణిదీపమై
ఆత్మీయతకు అసలు పేరైన
ఆదర్శమూర్తి నాన్న
బోధ చేయని గురువుకు
నా భక్తిపూర్వక కైమోడ్పు!
జె.శ్యామల
5 comments
Kavitha Chala bagundi madam?
నాన్న మీద వ్రాసిన కవిత చాలా బాగుంది
నాన్న వెనకాల నీడలా నడిపిస్తాడు ప్రతీవాళ్ళనూ
నాన్న గురించి ఎంత రాసినా తక్కువే…నాన్నని ఎంత చూసినా తక్కువే..అనుక్షణం మనని వెన్నంటి ఉండే నాన్న బోధ చేయని గురువే…అభినందనలు శ్యామల గారు.
బోధ చేయని గురువు నాన్న.. చాలా బాగా రాసారు మేడం?
Finishing of the poem too good. Nanna gurinchi enta raasina thakkuve. Enta thinna mukham mothani sweet . Anduke Kavita Anitha bagundi. Abhinandanalu.