బోధ చేయని గురువు!

నీతి బోధలు చేయలేదు

పాఠాలు చెప్పలేదు

గద్దింపుల్లేవ్.. బెదిరింపుల్లేవ్

దండించే మాటే లేదు

చేసిందల్లా..

భుజాలపై మోసి ముద్దుచేయడం

తానే గుర్రమై ఆడించడం

ఆఫీసునుంచి వస్తూ

తాయిలాలు, ఆటబొమ్మలు తేవడం

అప్పుడప్పుడు షికార్లు, సినిమాలు

ఆపైన..పలకాబలపం  అందించి

బడిబాట పట్టించి

నా బంగరు భవితకు

బాసటగా నిలిచిన నాన్న

సంస్కారానికి ప్రతిరూపమై

మానవత్వానికి మణిదీపమై

ఆత్మీయతకు అసలు పేరైన

ఆదర్శమూర్తి  నాన్న

బోధ చేయని గురువుకు

నా భక్తిపూర్వక  కైమోడ్పు!

జె.శ్యామల