పాకిస్థాన్ మాజీ ప్రధాని ఇమ్రాన్ ఖాన్ పై కాల్పులు జరిగాయి. ఇమ్రాన్ ఖాన్ కాలికి తుపాకీ గుండు తగిలిందని, అయితే ఆయన క్షేమంగా ఉన్నారని చెప్పారు. వజీరాబాద్‌లోని జాఫర్ అలీ ఖాన్ చౌక్ సమీపంలో మాజీ ప్రధాని, పాకిస్తాన్ తెహ్రీక్-ఇ-ఇన్సాఫ్ (పిటిఐ) అధ్యక్షుడు ఇమ్రాన్ ఖాన్ పై సమీపం నుంచే కాల్పులు జరిగాయి. అదే సమయంలో, దాడి చేసిన వ్యక్తిని పోలీసులు అరెస్టు చేసి, తెలియని ప్రాంతానికి తరలించారు. దాడికి పాల్పడిన వ్యక్తి మృతి చెందాడనే వార్తలు కూడా మీడియాలో వస్తున్నాయి.
ఇదిలా ఉంటే ఇమ్రాన్ ఖాన్ మాట్లాడుతూ ‘‘అల్లా నాకు కొత్త జీవితాన్ని ప్రసాదించాడు. నేను మళ్లీ పోరాడతాను’’ అన్నారు. పాకిస్తాన్ ARY న్యూస్ నివేదిక ప్రకారం, ఇమ్రాన్ ఖాన్ బుల్లెట్ గాయాల కారణంగా గాయపడ్డాడు. అతని కుడి కాలికి బుల్లెట్ గాయం కావడంతో సమీపంలోని ఆసుపత్రికి తరలించారు. ఇమ్రాన్ కాలుపై కాల్పులు జరిపినట్లు ఇమ్రాన్ సన్నిహితుడు ఫవాద్ చౌదరి తెలిపారు.
పిటిఐ నాయకుడు ఫరూఖ్ హబీబ్ మాట్లాడుతూ, పిరికివారు ఈ దాడి చేశారని అన్నారు. దేశం మొత్తం ఆయన క్షేమం కోసం ప్రార్థించాలి అని అన్నారు. Jio TV నుండి వచ్చిన ఫుటేజ్ 70 ఏళ్ల ఖాన్ తన కుడి కాలికి గాయం అయినట్లు చూపించింది. పోలీసులు ఇమ్రాన్‌ను కంటైనర్‌లో నుంచి బుల్లెట్ ప్రూఫ్ వాహనంలోకి తరలించారు. ఘటనా స్థలం నుంచి ఒకరిని అదుపులోకి తీసుకున్నామని, పోలీసులు అజ్ఞాత ప్రదేశానికి తీసుకెళ్లారని ఛానెల్ నివేదించింది.
ఇమ్రాన్‌పై దాడిని పాక్ ప్రధాని షాబాజ్ షరీఫ్ కూడా ఖండించారు. ఇమ్రాన్ ఖాన్ కంటైనర్ దగ్గర కాల్పుల ఘటనపై పంజాబ్ సీఎం కఠినంగా వ్యవహరించారని, గ్రౌండ్ రిపోర్టుల ప్రకారం దాడి చేసిన వ్యక్తిని అరెస్టు చేసినట్లు పాకిస్థాన్ మంత్రి ముహమ్మద్ బషరత్ రాజా తెలిపారు. ఇమ్రాన్ ఖాన్ క్షేమంగా ఉన్నారని పాక్ మంత్రి గురువారం ట్వీట్‌లో తెలిపారు. కంటైనర్ దగ్గర కాల్పుల ఘటనపై సీఎం దృష్టి సారించారు. పంజాబ్ ఐజీ నుంచి నివేదిక కోరింది. గ్రౌండ్ రిపోర్ట్ ప్రకారం నిందితుడిని అరెస్ట్ చేశారు. ఇందులో భాగస్వాములైన వారందరికీ త్వరలోనే న్యాయం చేస్తామన్నారు.
