ఆనాడు
సురాసురులు
మంచీ చెడులకు
ప్రతీకలు
మనిషిని నరకయాతన పెట్టి
మంచితనాన్ని మట్టుబెడుతుంటే
నరకాసురుణ్ణి సంహరించి
చెడుపై విజయం సాధించి
చిరుదివ్వెలు వెలిగించి
అమావాస్య చీకట్లను
పారద్రోలి
దీపావళి పండుగను
ఆనందోత్సాహాలతో
జరుపుకున్నారు
నేడు
అవి రెండూ
విడివిడిగా లేనేలేవు
మనిషిలోనే
మంచీ చెడులు
దాగున్నాయి
మేకవన్నె పులిలా
తేనెపూసిన కత్తిలా
మనిషి
మంచితనం
ముసుగేసుకున్నాడు
మంచిని ముంచేస్తున్నాడు
చెడుపై మంచి విజయాన్ని సాధించాలంటే
ఎవరిపై వారే పోరాటం చేయాలి
మనలో మంచిని మనమే పెంచుకోవాలి
చెడును తుంచు కోవాలి
ఎటు చూసినా
చెడు రాజ్యమేలుతోంది
మంచిని అణగదొక్కుతూ
పైచేయి నాదేనంటూ
వికటాట్టహాసం చేస్తోంది
ప్రతియేడు చెడుపై మంచి సాధించిన విజయానికి గుర్తుగా
దీపావళి జరుపుకుంటున్నామే కానీ
చెడును సమాజం నుంచి తరమలేకున్నాం
చెడుకు అంతమే లేదేమో
రావణకాష్టంలా ఎప్పటికి ప్రజ్వరిల్లుతూనే ఉంటుందేమో
దేవలపల్లి సునంద, రంగారెడ్డి జిల్లా, 8297744716