ఉత్తర ప్రదేశ్ కు చెందిన బిజెపి నాయకురాలు, జిల్లా పంచాయతీ సభ్యురాలు శ్వేతా సింగ్ గౌర్ అనుమానాస్పద మృతికి కారణం ఆమె భర్తేనని తెలియడంతో పరారీలో ఉన్న అతడిని పోలీసులు అరెస్టు చేశారు. బందాలో శ్వేత తన గదిలో ఉరివేసుకుని చనిపోయిన స్థితిలో కనిపించింది. ఆమె కుటుంబ సభ్యులు ఆమె భర్త, మామల పైనే అనుమానం వ్యక్తం చేశారు. దీనికి సంబంధించిన ఫిర్యాదు కూడా ఇచ్చారు.
అయితే శ్వేత భర్త దీపక్ సింగ్ గౌర్ పరారీలో ఉండటంతో అతడి కోసం పోలీసులు గాలింపు చర్యలు చేపట్టారు. చివరకు దీపక్ సింగ్ గౌర్‌ను మతౌంద్ నుండి మౌదాహా రహదారిపై వెళుతుండగా పట్టుకున్నారు. దీపక్ సింగ్ గౌర్ అంతర్జాతీయ సెక్స్ రాకెట్ నడిపేవాడని ఫిర్యాదులు ఉన్నాయి.
విషయం తెలిసిన శ్వేత తన భర్త చేస్తున్న అరాచకపు పనులను భరించలేకపోయింది. అందుకు తన అభ్యంతరం చెప్పింది. అయితే ఆ పనులను ఆపకపోగా శ్వేతను అతడు వేధించడం మొదలు పెట్టాడు. దాంతో అతను చేస్తున్న అంతర్జాతీయ సెక్స్ రాకెట్ కు సంబంధించిన ఆధారాలను శ్వేత సేకరించడం ప్రారంభించింది. కొన్ని కాల్ రికార్డింగ్ లను కూడా ఆమె సేకరించింది.
అయితే ఇంతలోనే ఆమె శ్వేతా సింగ్ గౌర్ మృతదేహం అనుమానాస్పద స్థితిలో ఆమె ఇంట్లో అనుమానాస్పద స్థితిలో ఉరి వేసుకుని కనిపించింది. సమాచారం అందుకున్న పోలీసులు సంఘటనా స్థలానికి చేరుకుని ఉరిలో వేలాడుతున్న మృతదేహాన్ని కిందకు దించి త్వరితగతిన జిల్లా ఆసుపత్రికి తీసుకెళ్లారు. జిల్లా ఆసుపత్రిలో శ్వేత అప్పటికే మృతి చెందినట్లు వైద్యులు ప్రకటించారు.
అనంతరం పోలీసులు శ్వేత మృతదేహాన్ని పోస్టుమార్టం అనంతరం ఇంటికి పంపించారు. పోస్టుమార్టం నివేదిక వచ్చిన తర్వాతే మొత్తం విషయం వెలుగులోకి వస్తుందని సూపరింటెండెంట్ ఆఫ్ పోలీస్ తెలిపారు. దాని ఆధారంగా తదుపరి చట్టపరమైన చర్యలు తీసుకుంటారు.
శ్వేత, ఆమె భర్తల మధ్య చాలా కాలంగా వివాదం నడుస్తోందని పోలీసులు తెలిపారు. చాలాసార్లు మామ, అత్తమామలు ఇద్దరి మధ్య రాజీ కుదర్చడానికి ప్రయత్నాలు చేశారు అయితే అది సఫలం కాలేదు. శ్వేత కుమార్తెలు తమ తండ్రి, తమ తల్లిని చిత్రహింసలకు గురిచేస్తున్నారని, చంపేస్తామని బెదిరిస్తున్నారని తీవ్ర ఆరోపణలు చేశారు.
శ్వేతా సింగ్ గౌర్ భర్త రష్యన్, మొరాకో, ఆఫ్రికన్ దేశాల నుంచి అమ్మాయిలను ఇండియాకు తెప్పించేవాడు. ఇక్కడి వారిని అక్కడకు పంపేవాడు. ఈ సెక్స్ రాకెట్ వ్యవహారాలకు సంబంధించిన సాక్ష్యాలను శ్వేత మరణించే ముందు తన సోదరుడికి పంపింది.
రష్యాలోని సెక్స్ వర్కర్లతో తనకు వివాహేతర సంబంధాలు ఉన్నాయన్న విషయాన్ని దాచిపెట్టేందుకు దీపక్ సింగ్ గౌర్ ఆమెను హత్య చేసి ఉంటాడని ఆమె సోదరుడు రీతురాజ్ ఆరోపించారు. తన సోదరి తనకు పంపిన ఆధారాలను అతను పోలీసులకు అప్పగించాడు.
