ఇరాక్ కొత్త ప్రధాని గా టావ్‌ఫిక్‌ అల్లావి బాధ్యతలు స్వీకరించారు. ఇటీవల వరకు ప్రధానిగా ఉన్న అడెల్‌ అబ్దుల్‌ మహది రాజీనామా చేయాగ అల్లావి ఈ బాధ్యతలు స్వీకరించారు. నూతన ప్రధాని అల్లావి మాట్లాడుతూ ‘మీలో ఒకడిగా నేను అధికారానికి వచ్చాను. మీ ధైర్య సాహసాలు, త్యాగాల నుంచి ఈ పదవి లభించింది. అది కాదనుకుంటే దేశంలో మార్పులేమీ ఉండవు’ అని అన్నారు.
మీ సొంత దేశంలోనే నిరసన తెలుపుతున్నారు.మీ డిమాండ్లను నేను నెరవేర్చలేకపోతే ఈ పదవికి నేను అర్హుడిని కాదు అని అన్నారు. తనపైన ఎవరైనా ఒత్తిడి చేస్తే రాజీనామా చేస్తానని అన్నారు.ప్రభుత్వ విధానాలను తిరస్కరిస్తూ ఇరాక్ ప్రజలు నిర్వహిస్తున్న నిరసన ఉద్యమం ఐదో నెలకు చేరింది.ఉద్యమం ప్రారంభమైన తర్వాత దాదాపు 500 మంది మృతి చెందగా, 9 వేల మంది గాయపడ్డారు.
మృతుల కటుంబాలకు పరిహారం చెల్లిస్తానని అల్లావి వాగ్దానం చేశారు. 30 రోజుల్లో ప్రభుత్వం ఏర్పాటు చేసి పార్లమెంట్‌ ఆమోదం పొందుతానని ఆయన తెలిపారు.
