కరోనా అందరి జీవితాలను అతలాకుతలం చేసేస్తోంది. అన్ని రంగాలు కోవిడ్ దెబ్బకు కుదేలైపోయాయి. ఇదే సమయంలో సినీ కార్మికుల కష్టాల గురించి ప్రత్యేకంగా చెప్కక్కర్లేదు.
షూటింగ్లు ఉంటేనే వీరికి నాలుగు వేళ్లు లోపలికి వెళ్లేది. అలాంటిది నాలుగు నెలల నుంచి ఉపాధి లేకపోవడంతో వేలాదిమంది సినీ కార్మికులు ఆకలితో అలమటిస్తున్నారు. వీరిని ఆదుకోవడానికి ఇప్పటికే హీరోలు, దర్శక నిర్మాతలు తమ వంతు విరాళాలు అందించారు.
ఈ క్రమంలో ప్రముఖ సినీ నేపథ్య గాయకుడు ‘ మనో ‘ పెద్ద మనుసు చాటుకున్నారు. సినీ కార్మికుల కష్టాల చూసి చలించిపోయిన ఆయన శనివారం హైదరాబాద్ కృష్ణానగర్లో బియ్యం, పప్పు దినుసులు వంటి నిత్యావసర సరుకులను అందజేశారు. ఈ కార్యక్రమంలో పలువురు సినీ పెద్దలు పాల్గొన్నారు.