తనను ప్రేమించాలని వేధిస్తూ ఒక యువతిపై కత్తితో దాడి చేసిన వ్యక్తిని పోలీసులు అరెస్టు చేశారు. సుబేదారి పోలీస్ స్టేషన్ పరిధిలోని గాంధీనగర్ లో ఈ ఘటన జరిగింది. మొండ్రాయి గ్రామానికి చెందిన అజారుద్దీన్ నిన్నటి రోజు ఒక యువతిపై కత్తితో దాడి చేశాడు. వివరాల్లోకి వెళితే బాధితురాలి బంధువులు, అజారుద్దీన్ ఒకే గ్రామానికి చెందినవారు కావడం వల్ల బాధితురాలితో పరిచయం ఏర్పడింది.
ఫోన్ నెంబర్ తీసుకుని ప్రేమించమని ఆమెను అతడు తరచూ వేధించే వాడు. అయితే అతని ప్రవర్తన నచ్చక బాధితురాలు అతనితో మాట్లాడడం మాని వేసింది. దీన్ని దృష్టిలో ఉంచుకొని నిందితుడు ఎలాగేనా తనను ప్రేమించాలని చెప్పేసి వేధిస్తూండేవాడు. నిన్నటి రోజు బాధితురాలు ఇంటిలో ఉండగా తన ఇంటికి వచ్చి ప్రేమించాలి అని లేకపోతే చంపేస్తానని బెదిరించాడు.
అంతకూ ఆమె లొంగకపోవడంతో అతడు తనతో తెచ్చుకున్న కత్తితో బాధితురాలి మెడ కోసి అక్కడినుంచి పారిపోయాడు. వెంటనే కేసు నమోదు చేసుకున్న పోలీసులు గాలించి అతడిని అదుపులోకి తీసుకొని అరెస్టు చేసి అరె మడుగు తరలించడం జరిగింది.
