అమెరికా డాలర్‌తో పోలిస్తే రూపాయి చారిత్రాత్మక కనిష్టానికి 80 పాయింట్లకు చేరుకోవడంతో కాంగ్రెస్ పార్టీ మోడీ ప్రభుత్వంపై దాడికి దిగింది. రాహుల్ గాంధీ సహా పలువురు కాంగ్రెస్ నేతలు ప్రధాని మోదీ పై విమర్శలు గుప్పించడం మొదలుపెట్టారు. రూపాయి ఇలా క్షీణించడం దేశానికి హానికరమని ప్రధాని మోదీని రాహుల్ గాంధీ హెచ్చరించారు.
రూపాయి విలువ పతనంపై నాటి ప్రధాని మన్మోహన్ సింగ్‌పై ప్రస్తుత ప్రధాని మోదీ పలు విధాలుగా దాడి చేసిన ఆయన పాత ప్రసంగాన్ని రాహుల్ గుర్తు చేశారు. ఈ మేరకు ప్రధాని మోదీపై కాంగ్రెస్ అధినేత రాహుల్ గాంధీ ట్వీట్ చేశారు. ‘‘దేశం నిరాశ ఊబిలో కూరుకుపోయింది’’…. అని చెబుతూ ‘‘ఇవి మీ మాటలే మోదీజీ’’ అంటూ రాహుల్ విరుచుకుపడ్డారు.
కాంగ్రెస్ హయాంలో రూపాయి విలువ పడిపోయినప్పుడు ఎంతో హడావుడి చేసిన మోదీ ఇప్పుడు రూపాయి విలువ పడిపోవడం చూసి అంత ‘మౌనంగా’ ఉన్నావు అంటూ రాహుల్ గుర్తు చేశారు. 2014కు ముందు నరేంద్రమోడీ, ఇతర కాషాయ పార్టీ నేతలు రూపాయి విలువ క్షీణించడంపై యూపీఏ ప్రభుత్వాన్ని విమర్శించింది.
ఇప్పుడు, అధికార బీజేపీ ద్వంద్వ ప్రమాణాలతో వ్యవహరిస్తోందని కాంగ్రెస్ నేతలు సోషల్ మీడియాలో ఆరోపిస్తున్నారు. రూపాయి పతనాన్ని ఆపలేకపోవడం వల్లే మోదీ ప్రభుత్వం తన విశ్వసనీయత మొత్తాన్ని కోల్పోతోందని కాంగ్రెస్ ప్రధాన కార్యదర్శి రణదీప్ సూర్జేవాలా అన్నారు.
సుర్జేవాలా ట్వీట్ చేస్తూ, “ఇప్పుడు రూపాయి మార్గదర్శక బోర్డు వయస్సును దాటింది. ఎంత దూరం పడిపోతుంది? ప్రభుత్వ విశ్వసనీయత ఇంకెంత పడిపోతుంది? వాహ్ మోడీ జీ.” మార్గదర్శక్ మండల్ అనేది బిజెపి అనుభవజ్ఞులతో కూడిన మార్గదర్శకుల సమూహం. అందులో 75 ఏళ్లు దాటిన వాళ్లు ఉంటారు.
2013లో యూపీఏ ప్రభుత్వం నాలుగు నెలల్లోనే అమెరికా డాలర్‌తో పోలిస్తే రూపాయి విలువను 69 నుంచి 58కి తీసుకొచ్చిందని కాంగ్రెస్ సీనియర్ నేత పి చిదంబరం శుక్రవారం పేర్కొన్నారు. 2012-13లో 5.1% ఉన్న జిడిపి వృద్ధిరేటు 2013-14లో 6.9 శాతానికి పెరిగిందని ఆయన చెప్పారు.
