సినీ నేపథ్య గాయకుడు రాహుల్ సిప్లిగంజ్‌పై హైదరాబాద్‌లోని ఒక పబ్‌లో దాడి జరిగింది. రాహుల్ తన స్నేహితులు, ఓ స్నేహితురాలితో కలిసి గచ్చిబౌలిలోని ఒక పబ్‌కు బుధవారం రాత్రి వచ్చారు. రాహుల్ వెంట వచ్చిన యువతితో కొంతమంది యువకులు అసభ్యంగా ప్రవర్తించడంతో రాహుల్ అభ్యంతరం చెప్పాడు.
దాంతో మాటామాటా పెరిగింది. ఇద్దరూ పరస్పరం దాడులకు దిగారు. బీరు సీసాలతో కొట్టడంతో రాహుల్ కు తీవ్ర రక్తస్రావమైంది. పోలీసులు సంఘటన స్థలానికి చేరుకొని వివరాలు సేకరించారు. గచ్చిబౌలిలోని ఓ ప్రైవేటు ఆసుపత్రిలో రాహుల్ చికిత్స పొందుతున్నాడు.
