పూజకి పువ్వులు కోద్దామని
వెళ్ళిన నాకు
ఇవ్వటమే గానీ తీసుకోవడం
తెలియని చెట్టులో
ప్రతిఫలాన్ని ఆశించని
దానగుణం అలవరచుకో
అని పాఠం చెప్పే
ఓ గురువు కనపడ్డాడు
అన్ని బాధలను మౌనంగా భరించే
ధరిత్రిని చూసినప్పుడు
ఎంతటి కష్షం కలిగినా
ఓరిమి పోగొట్టుకోవద్దు
అని చెప్పే
ఓ గురుమూర్తి గోచరిస్తుంది
వర్షాకాలం కోసం, నిరంతర శ్రమతో
ఆహారాన్ని భద్రపరచుకొంటూ
ముందు చూపుతో మసలుకో
అనే సందేశాన్ని ఇచ్చే
చలిచీమ కూడా ఓ గురువే
ఎత్తు నుండి అగాథం లోకి
జాలువారే జలపాతాన్ని
చూసినప్పుడు
అహంకారంతో ఎగసి పడితే
పతనం వైపు జారిపోవటం
తథ్యమని చెప్పే
ఓ ఆథ్యాత్మికత గురువు
దర్శనమిస్తాడు
పంచభూతాలంతటా
ఏదో ఒక రూపంలో నిబిడీకృతమై ఉన్న
ప్రతి ఒక్క పదార్థం
మానవాళకి గురువులే
ఆ గురువులందరికీ
నమస్సుమాంజలులు
పీ.వి.యస్. కృష్ణ కుమారి, తుర్కయాంజాల్, 9494510994