ఉపజ్ఞ కు ఉపద

అది బోధివృక్షం కాదు

అది వెర్రి మర్రి వృక్షం కాదు

తానూ పెరుగుతూ

తనను ఆశ్రయించిన వాటికీ

రసజ్ఞానాన్ని అందించి

ఊత మిచ్చిన చూతఫల వృక్షం.

పుట్టిన నేల కోసం

తపన తాపత్రయం

తను మాటల్లో కాకుండా

చేతల్లోచూపిన ధీశాలి.

నేలను దొరల కబంధ చెర తప్పించి

భూసంస్కరణ చట్టానికి చుట్టమయ్యాడు

మొక్క పెరిగి సంస్కరణ వృక్ష మయ్యింది

రాజులింట పుట్టకున్న

దేశానికి రాజయ్యాడు

ఆర్థిక పుష్టికి స్రష్టయ్యాడు

రచనకు అక్షర రంగులద్ది సాహితీ తోటలో

వాడని  సుగంధ పారిజాతమయ్యాడు

తెలంగాణ మాగాణి మరువపు మొలక

చిరునవ్వు మోము వెన్నెల తునక

మన మనిషి

జనం మనిషి

దేశం మెచ్చిన మహా మనీషి

రేడియమ్, పాతనగరం, హైదరాబాద్, 9291527757