బహు భాషల కూడలి
బహుముఖ ప్రజ్ఞకు ఆకృతి
భాషా వికాసానికి దోసిలి
రాజనీతికి రాజర్షి
పాములపర్తి సదసద్వివివేక గిరిశిఖరి
తెలుగును వెలిగించిన ఋషి
జీవనకోణం భాషేనని విశ్వసించి
పాలన బోధనకు మార్గంగా తీర్చిన శిరోమణి
సాంకేతిక భాషగా ఉన్నతి తెలుగు కిచ్చి
విశ్వభాషల సరసన నిలిపిన ధీశాలి
మనీషి, సుమనస్వి, అక్షర యశస్వి
భాష చైతన్యమే ఆయన పరితపన
వికాసశీలతే ఆయన ఆలోచన
అపర చాణక్యుడు అతడు
సమున్నత వ్యక్తిత్వ తేజోనిధి
విశాలత్వం కలిగిన విజ్ఞుడైన ప్రధాని
సాహిత్య సహస్రఫణి, భాషాయోగి
వేయిపడగల అనువాదఝరి
సాటిలేని సృజనశీలి, క్రాంతదర్శి
పీ వీ… మన తెలుగు ఠీవీ
స్వాభిమానతల ఘనాపాటి.
తిరునగరి శ్రీనివాస్, 8466053933