తెలంగాణ మట్టి
పరిమళాల గుబాళింపులతో
ప్రపంచం గర్వించే నాయకుడు
ఉగ్గుపాలతో ఉద్యమ పౌరుషాన్ని
పుణికిపుచ్చుకున్న ఉద్యమకారుడు
నిజాం నిరంకుశ పాలనాధిక్కారకుడు
హంగు ఆర్భాటాలు లేకుండా
ఒదిగి ఉండటంలో తనకు తానేసాటి
చదివింది న్యాయవాద వృత్తి
ఎదిగింది రాజకీయవేత్తగా
రాజకీయ చతురత కలిగి
స్థూలదృష్టి కలిగిన రాజనీతిజ్ఞుడు
ప్రధాని పీఠంపై ఠీవిగా వెలిగిన
మన తెలుగుతేజం పాములపర్తి
అనేక పదవులకు వన్నెతెచ్చిన
అపర చాణిక్యుడు……
విఖ్యాతి పొందిన ప్రజల మనసులు
చూరగొన్న పరిపాలనాదక్షుడు
మాతృ భాషలు ఎదగాలన్న తపస్వి
జనామోదమే భాషకు మనుగడన్న విజ్ఞాని
బహు భాషల్లోనిపుణుడు,అక్షరపిపాసి భాషను భూషణంగా భావించిన అనువాదకుడు, సహస్రఫన్
పంచ కట్టుతో నిండైనతెలుగుదనం
ఉట్టిపడే తెలంగాణ ముద్దుబిడ్డ
ఈ శతజయంతి సూర్యుడు
ఎన్నటికీ చిరస్మరణీయుడు..
పత్తెo వసంత, కరీంనగర్