ఎవరన్నారు అతను
బక్కచిక్కిన రైతని
ఎవరన్నారు అతను
చేతకాని వాడిలా
ఆత్మహత్య చేసుకొనే పిరికిపందని
అతను భుజస్కందలములపై
మోస్తున్నది హలం కాదు
ఆత్మ స్థైర్యం
అతని కళ్ళల్లో తొణికిసలాడే
ఆ విశ్వాసం చూసి
ఎంతటి కష్టమైనా
భయపడి వెనుతిరగాల్సిదే
ఆకాశం కరుణించక పోతేనేం
భూపొరలను చీల్చి
పాతాళగంగను పైకి
రప్పించగలిగే సత్తా ఉన్న యోధుడు
పంచె ఎగ్గట్టి తలపాగా చుట్టి
పిడికిలి బిగించి అడుగులు వేస్తూ
కార్యరంగంలోకి దూకితే
కొండల్ని పిండిచేసి
బీడుభూముల్ని సైతం
సస్యశ్యామలం చేయగల ధీరుడే
మన రైతన్న
పీ.వి.యస్. కృష్ణ కుమారి, హైదరాబాద్