ఆయనొక మౌని
నవరసాలూ ముఖంలోనే
అన్ని రసాలకూ ఒకటే ముద్ర అదే మౌనం
మౌనంలోనే అనంతభావాలను పలికించగల దిట్ట
అభివృద్ధి రాతలు రాయగల స్రష్ట
బహుభాషా కవి పండితుడు
ఆంధ్రీకరించగలడు
అన్య భాషలకు అనువదించనూ గలడు
మౌనం ఆయన ఆంగికం
శాంతం ఆయన ఆహార్యం
చిరునవ్వే ఆయన ఆభరణం
ఆవేశం ఆయన శత్రువు
ఆలోచన ఆయన మిత్రుడు
సంస్కరణలకు ఆద్యుడు
సంస్కారాలకు ఆచార్యుడు
బలహీనమైన పార్టీకి ప్రాణదాత
నూతన ఆర్ధిక విధాన విధాత
అత్యున్నత స్థానాన్ని అధిరోహించినా
అహం లేని తెలుగుబిడ్డ పివీ
అందుకే ఆయనొక మౌని
డా.వూసల రజనీ గంగాధర్, సెల్ నెం 9290680605
