అనూహ్యంగా అత్యున్నత ప్రధాని పదవిని
అధిష్టించిన తొలి దాక్షిణాత్యుడు
వందేమాతర గేయాలాపనతో నిజాంను ధిక్కరించిన ధీశాలి
ఎదిగిన కొద్దీ ఒదిగి ఉన్న వినయశీలి
ఐదు సార్లు బల పరీక్ష నెగ్గిన పరిపాలనా దక్షుడు
వినూత్న భూసంస్కరణల చట్టంతో పేదల పక్షపాతిగా నిలిచిన కార్యశూరుడు
తెలుగు అధికార భాషగా వెలగాలని కలలు కన్న స్వాప్నికుడు
విద్యలో విప్లవాత్మక మార్పులకు శ్రీకారం చుట్టి సామాజిక అసమానతలను తొలగించిన సృజనశీలి
ఆర్థిక వ్యవస్థ పునరుజ్జీవంకై సంస్కరణల బీజం వేసిన దార్శనికుడు
రాజనీతిజ్ఞతలో అపర చాణక్యుడు
అనంత లౌక్యాన్ని అంతరంగంలో దాచిన మౌనికుడు
పాండితీ ప్రకర్షతో అద్భుత రచనలు వెలువరించిన సాహితీ పిపాసి
అలీన దేశాల శిఖరాగ్ర సమావేశంలో స్పానిష్ మధురిమలు పంచిన బహు భాషా కోవిదుడు
ప్రపంచం గుర్తెరిగిన మహా మేధో సంపన్నుడు
లోపలి మనిషిని బయటకు కనబడనీయని స్థిత ప్రజ్ఞుడు పాములపర్తి వేంకట నరసింహారావు !
రామా రత్నమాల, హనుమకొండ, 9885700062
