స్వాతంత్ర్య సమరయోధుడా
నాయకత్వంలో నీకెవరూ
సాటిలేని శాంతి కపోతమా
ఊత కర్రతో నీవు నడచిన
పాద ముద్రలు…..
నీవు నడిపిన ఉప్పు సత్యాగ్రహం
ఆంగ్లేయులను గడగడలాడించిన
జాడలే అనుక్షణం
ఆకాశవాణి గుర్తు చేస్తుంటుంది
నీవు నడచిన బాటలోనే
మేము నడచినా
ఇంకా ఏవో దుష్టశక్తులు
స్వైరవిహారం చేస్తున్నాయి
ఖద్దరు ముసుగుల్లో
బేవర్సులు
తచ్చాడుతూనే ఉన్నారు
సరియైన నాయకులే కరువైనారు
ఏ ఒక్కరో ఇద్దరో తప్ప
దీనికి తోడు ‘ కరోనా ‘ కాటుతో
రాజ్యం అతలాకుతలమై
విలవిల్లాడుతోంది
ప్రస్తుతం
నీలాంటి నాయకుడే
మాకు శరణ్యం
మరో జన్మ ఉందంటారే
ఉంటే …ఓ…గాంధీ
రేపటి ఉజ్వల భవిష్యత్తుకు
ఊపిరి పోసే
ఉద్యమ కారుడివై తరలిరా
మరో గాంధీవై మరలిరా
కె. హరనాథ్, 9703542598