పవిత్ర మాసం

కార్తీకమాసం పరమ పవిత్రమాసం

హరిహరులకు అత్యంత ప్రీతికరం

ఉషోదయ కాల చన్నీటి స్నానాలు

తులసీకోట ప్రదక్షిణలతో

ప్రమదలు వెలిగించు ప్రమిదలతో

సర్వ శుభాలందించు కార్తీక మాసం

రుద్రాభిషేకాలతో లింగార్చనలతో

ఉపవాస దీక్షలు శివనామ స్మరణలు

ఉసిరికాయ దీపారాధనతో

కోటి బిల్వార్చనల పూజలు

శ్రద్ధతో ఆచరించు కేదారీశ్వర నోములు

సత్యనారాయణ స్వామి వ్రతాలు

ధూప దీప నైవేద్యాలతో

ఫల పుష్ప గంధాదులతో

భక్త జనుల హరిహర పూజలతో

ఆలయాలు శోభాయమానం

నిండు పున్నమి పండు వెన్నెల జిలుగులతో

వెన్నెల రేడు వెలుగులు పంచగా

కార్తీక దీపాల కాంతులు దేదీప్యమానం

కార్తీక పౌర్ణమి కామితాలను తీర్చగా

అజ్ఞానం ఆవరించిన సమాజ గమనంలో

అనురాగ దీపాల వెలుగులు ఆవరించాలి

మది మదిలో మమతలు వెల్లి విరియాలి

పులి జమున, మహబూబ్ నగర్, 8500169682.