ఆరుగాలం కష్టపడే
అన్నదాతకు అండగా
పశువులు కూడా తోడై
బండ్లు లాగుతూ
బరువులు మోస్తూ
పొలాలు దున్ని
పంట ఇంటికి చేరేవరకు
మన జీవనానికి అవసరమోచ్చే
ధాన్యము పండించుటలో
పాలు గ్రుడ్లు మాంసం
పశుపక్షుల ద్వారానే వస్తాయి
ఈ రోజు పశువులను,
ఎడ్ల బండ్లను, కర్రు నాగలి
పాకలను కూడా శుభ్రం కడిగి
పసుపు కుంకుమ పూలు పెట్టి
వాటికి ఇష్టమైన ఆహారం ఇస్తూ
గోమాత దీవెనలు అందుకొని
కోళ్ల పందాలు, పొట్టేళ్ల పోటీలు
బసవన్నల విన్యాసాలతో
ఉల్లాసంగా గడిపే ఈ కనుమ
మూగజీవాలను కూడ పూజించే
గొప్ప సంస్కృతిసంప్రదాయ పండుగ
పత్తెం వసంత, కరీంనగర్