అనుకోని అతిథిలా వచ్చి
కళ్లెదురుగా నిలుచుంటే
కనురెప్పయినా వాల్చకుండా
చిత్తరువులా నిల్చుండిపోయా
ఆలోచనలన్నీ ఘనీభవించగా
కళ్ళముందు నిలిచిన నిజాన్ని
మనసు ఒప్పుకోనంటుంటే
శిలలా నిల్చుండిపోయా
శిలని శిల్పంగా మారుస్తానని
చిత్తరువుకు చిరునవ్వులు జోడిస్తానని
చేతిలో చేయి వేసి ప్రమాణం చేస్తానంటూ
నా చేయందుకున్నాడు
అతిధిగా వచ్చి ఆత్మీయుడిగా మారి
నీ ఆత్మ నాదేనంటూ
నా బంధాలు బంధనాలన్నీ మరపించేసి
ఆత్మబంధువుగా మారాడు
వేలుపట్టి నడిపిస్తూ
అనంత లోకానికి తీసుకెళ్తున్నాడు
దేవలపల్లి సునంద