ఎవరు చెప్పారు
అంతర్గత మానవ చైతన్యానికి
దీప్తిగా వెలిగే
మహా చైతన్యం అతని సొంతమని
ఎవరు చెప్పారు
చిన్ననాటి జ్ఞాపకాల్ని మరువని
మహా మనిషని ఎవరు చెప్పారు
మహాభాషలన్నీ భాష్యంగా
ఓ వ్యక్తి వైపు వేలు పెట్టి చూపిస్తూ
మహా ప్రపంచాలు మహా భాషా ఙ్ఞానాలు
పాదాక్రాంత మవుతుంటే
అతడొక నిశ్చలమైన స్థితప్రజ్ఞుడి వలె
అలా నడిచి పోతుంటే ……..
వెనక మ్రొక్కులన్నీ తృణప్రాయమతనికి
మేరు శిఖరమై నడచిన కాలాల
పాదముద్రలన్నీ ఓ అనిర్వచనీయమైన
ఙ్ఞాపకాలే దేశానికి
శాంతి దూత కూతురు
నీవే కావాలంటూ పిలిచిన పిలుపులకు సంతోషాన్ని అనేక దుఃఖాల్ని దిగమింగిన మహా ఆత్మ
అతని సొంత మైంది
స్నేహాల్ని మరువని ఓ జీవన విధానం
అతన్ని నడిపించింది
కాళోజీని ప్రేమించినా
విశ్వనాధుని అభిమానించినా
అతని కలం కురిపించిందంతా
కవితా ధారలే
విపక్షాలైనా స్వపక్షమైనా
చిరునవ్వు చిందిస్తూ
కాలపు వొడ్డు మీద నడవ గలిగిన
వాడెవ్వడు
ఆ మహా మనీషే పివి.
కె.హరనాథ్ 9703542598
