అమ్మ

నవ మాసాలు మోసి

పుత్రునిగా పుట్టడం చూసి

పంచపాండవులమని మురిసి

అవనిపై అనురాగం పెంచిన అమృతమూర్తి అమ్మ

పేదరికం పోయి పెద్దరికం దక్కాలంటే చదువే ఆయుధ మని నమ్మిన ఉపాధ్యాయురాలు

పదిమంది సంతానానికి ఏది

కావాలని అడిగిన ఇచ్చే అక్షయపాత్ర

నడకను, నడతను, తప్పతడుగు

తప్పుడడుగు నేర్పిన నాయకురాలు

పాటపాడితే పదిమంది చేరి ఎంతో

ఆడిపాడేటట్లు చేసే గాయకురాలు

శతృ పాలిట సింహాస్వప్నం

రామాయణ, మహాభారత, భాగవత కథలను వినిపిస్తూ

భక్తి భావం పెంచిన సరస్వతిమాత

కష్టాలను , ఇబ్బందులను చూసిన

అమ్మ

మా ఉద్యోగాలను, ఉన్నతులను, అవార్డులను, రివార్డులను

చూడకుండానే కన్నుమూసిన అమ్మ

ఏమిచ్చి తీర్చుకోగలం ఆమె ఋణం

అక్షరాంజలి సమర్పించడమే అసలైన సిసలైన అంజలి.

డాక్టర్.ఎస్.విజయ భాస్కర్, సైదాబాద్, హైదరాబాద్  9290826988