మాతృ దినోత్సవ వేళ
మదిలో మరువంపు మొలకగా
అమ్మ
పంచభూతాలలో కలిసినా
ప్రకృతిలో ప్రత్యక్షమవుతూ అమ్మ
మందారాలకేసి చూస్తానా
మందస్మితం చేస్తూ అమ్మ
అలసి, మావిచెంత ఆగుతానా
ఊగే కొమ్మవుతూ అమ్మ
చల్లగాలికి సేద తీరుతానా
గాలిలో లాలి పాటవుతూ అమ్మ
వెన్నెలలో విశ్రమిస్తానా
చల్లని చూపులు ప్రసరిస్తూ అమ్మ
కష్టాలలో కలత పడతానా
కలలోకొచ్చి ధైర్యమిస్తూ అమ్మ
నా ఊపిరికి మూలం అమ్మ
నా ఉనికికి ఊతం అమ్మ
ఏ లోకాలలో ఉన్నా అమ్మ
నా ఎదలో పదిలంగా అమ్మ
అమ్మ ఆశీస్సులే
నా జీవన ఉషస్సులు!
(అంతర్జాతీయ మాతృ దినోత్సవం సందర్భంగా)
జె. శ్యామల
7 comments
From J Guru Prasad
Fantastic narration by smt Syamala garu
Regarding Mother and her greatness
From J Guru Prasad
అమ్మ మీద వ్రాసిన గేయం చాలా బాగుంది
Amma విలువ తెలియని వాళ్ళు లేరు. కొందరు నిర్లక్ష్యం చేసే పిల్లలు లేక పోలేదు. ఇక్కడ రచయిత్రి గారు చక్కగా వివరించారు సరళ మైన భాషలో. అభినందనలు.
A రాఘవేంద్ర రావు, Hyderabad.
Beautiful feeling madam
మాతృ దినోత్సవం నాడు అమ్మ గొప్ప దనాన్ని లేలేత పదాలతో, చక్కని కవిత రూపంలో అందించిన శ్రీమతి శ్యామల గారికి హృదయ పూర్వక అభినందనలు.
ప్రకృతి కూడా అమ్మలాగే లాలిస్తుంది. బాగుంది మేడం మీ అక్షరసుగంధ మాల. ఇలాగే ఎన్నో కవితలు మాకు అందిస్తారని ఆశిస్తున్నాము.
కాలాలెన్ని గడిచినా
అమ్మను మరిచి పోవడం సాధ్యమా?
శ్రీమతి శ్యామల గారు అమ్మ అనురాగాన్ని
జ్ఞాపకాలలో సుస్థిరం చేశారు.
అభినందనలు.
కళాభివందనములతో
విడదల సాంబశివరావు.