అమ్మవిశ్వంభర

అమృతవృక్షం

ఆది అక్షరం

అదే అమ్మవృక్షం

మనసువికలమై

కల్లోల సంద్రమై

తల్లడిల్లుతున్నపుడు

పెదవిపై అమ్మ పదం దొర్లక మానదు

అణువణువు అమ్మజ్ఞాపకాలు

జీవితప్రయాణంలో

ఊటబావిలా అమ్మస్మృతులు

పాలలోని తీపి

ప్రతివారి రక్తంలో ప్రవహిస్తుంది

మంచి చెడులు మతలబులు

అరటిపండులా

లాలించిచెప్పేది

అవిమరచిపోవడం అసాధ్యం

నాపంచన ఆస్తులు అంతస్తులకన్న

నాపంచన అమ్మ ఉందంటేనే గొప్ప

చిత్రంలో మదిలో

పలవరింతలో

నాలుకపై నర్తించే అమ్మపదం అమృతం

నిరంతరంప్రవహించె జీవనది అమ్మ

అందుకే అమ్మ విశ్వంభర

రేడియమ్, పాతనగరం, హైదరాబాద్