ఆహాహా ఏమి రుచి

ఆహాహా ఏమి రుచి తెలుగువారి సంవత్సరాది

ఓహోహో ఏమిరుచి తెలుగు

పర్వపుభక్షాల రుచి

ఎగిరి ఎగిరి గంతులేయు

కోలాటపు ఆటలతో

వంగిలేచి పాటపాడె

బతుకమ్మ పాటలతో

ధరువుకెగిరి నడుములూపు

పలుక భజన ఆటలతో

పల్లెలంత ఆడిపాడే యుగాది కాంతులతో

చీరకట్టు పంచెకట్టు తెలుగుధనానికిదే కలికి మెట్టు

లేదుయెట్టు దీనిపట్టు తెలుగుభాష కలిమి చెట్టు

కాదుఇట్టు ఇంత పట్టు నొదుటమెరిసే తిలకంపుబొట్టు

ఏమిటిట్టు లేదుయెట్టు తెలుగుకవిరాజుల కలముపట్టు

చిగురేసిన కొత్తచివురు గుబురులలో ఒదిగి ఒదిగి

గొంతు యెత్తిపాడింది కోకిలమ్మ

కులికి కులికి

ఆవుప్రక్క లేగదూడ ఆడింది ఎగిరి ఎగిరి

క్రొత్తచీరకట్టి పల్లెపడుచు నడుస్తోంది ఎగిసి ఎగిసి

కొత్తపంచె కుచ్చిళ్ళను ఒడిసి చెక్కి బాపనయ్య

వసారలోని అరుగుమీద కూరుచుండె పండితయ్య

పంచాంగపు కట్టవిప్పి

చేతివేళ్ళలెక్కబెట్టి

వచ్చిపోయే టి వారికంత

జాతకాలు పంచిపెట్ఠె

ఆహాహా ఏమి రుచి తెలుగువారి సంవత్సరాది

ఓహోహో ఏమి రుచి నేతిగారెల భక్షాలరుచి

గుడిపల్లి నర్సింహారెడ్డి